බාලයා ද පණ්ඩිතයා ද සිටින්නේ ඔබ තුළ ය. දෙව්දත් ද බෝසතා ද සිටින්නේ ඔබ තුළ ය. අවංක පාරිශුද්ධභාවය ඔබ තුළ පවතී. එම ස්වභාවය එසේ පවතින බව බෝසතා ද දෙව්දත් ද දනීයි. 

එම අවංක පාරිශුද්ධ සිත දැලි වලින් වැසුණු රන් තලියක් බඳුය. ජීවිතයේ යම් දවසක සිදුවන සිදුවීම් හරහා එම  තැලිය සීරීමට ලක් වී එහි ඇති වටිනාකම පෙනෙන්නට පටන් ගනී. එයට දෙව්දත් කැමති නැත. සිත තුළ පවතින අවංක පාර්ශුද්ධ ස්වභාවය මතු වන්නට පටන් ගත් විට දෙව්දත් ඊට වෛර බදින්නට පටන් ගනී යි. අතපසු විය හැකි ඕනෑම මොහොතක එම පාරිශුද්ධ ස්වභාවය විනාශ කිරීමට මාන බලයි.